Nú liggja fyrir úrslit í kjöri á leikmanni ársins hjá Chelsea Football Club 2014 – 2015 á meðal félaga í Chelsea klúbbnum á Íslandi.
Því miður var þátttakan frekar dræm, aðeins 48 gild atkvæði bárust, tvö atkvæði voru send inn of seint en það kom ekki að sök, höfðu ekki áhrif á efstu sætin.
Það var hins vegar mjög svo tvísýnt um úrslit, tveir leikmanna Chelsea höfðu yfirburði í þessu kjöri og er upp var staðið munaði aðeins einu atkvæði á þeim en fimm leikmenn Chelsea fengu atkvæði í kjörinu að þessu sinni.
Úrslitin urðu sem hér segir:
- Eden Hazard 19 atkvæði
- Branislav Ivanovic 18 atkvæði
- Nemanja Matic 6 atkvæði
- John Terry 3 atkvæði
- Thibaut Courtois 2 atkvæði
Hazard endurtók því leikinn frá í fyrra, tveir fulltrúar einhvers heppins stuðningsklúbbs Chelsea er þátt tóku í kjörinu munu verða þeirrar ánægju aðnjótandi að afhenda Hazard viðukenningu í tilefni kjörsins fyrir leik Chelsea v Crystal Palace á Stamford Bridge laugardaginn 2. maí n.k.
„Ég vann“
Og einn þátttakenda í kjörinu hér heima mun svo fá glaðning frá stjórn klúbbsins en nafn hans verður dregið úr röðum þátttakenda á næsta stjórnarfundi í félaginu.
Til gamans má svo geta þess að John Terry fékk bæði atkvæðin er bárust of seint!
Með meistarakveðju,
Stjórnin.