Nú hafa árgjöld vegna starfsársins 2019 – 2020 verið ákveðin, verða þau óbreytt frá því sem nú er hvað varðar flokka fullorðinna en því miður þurfum við að hækka árgjöld barna og unglinga lítils háttar eða um kr. 500.- hvorn flokk.
Flokkarnir eru hinir sömu og að undanförnu, þ.e. True Blue Original (TBO), True Blue Magazine (TBM), True Blue Ticket Only (TBTO), True Blue Teens (TBT) og True Blue Juniors (TBJ) og innihald þeirra er svipað og verið hefur.
Okkur er heimilt að leggja GBP 15.- á hvert árgjald til að standa straum af kostnaði við rekstur félagsins en stjórnin hefur ákveðið að fara varlega í þær álögur en áskilur sér hins vegar rétt til að endurskoða árgjöldin ef breska pundið fer eitthvað að stríða okkur.
Verð hvers árgjaldsflokks verður því sem hér segir:
- True Blue Original = Kr. 12.000.-
- True Blue Magazine = Kr. 10.000.-
- True Blue Ticket Only = Kr. 5.500.-
- True Blue Teens = Kr. 5.000.-
- True Blue Juniors = Kr. 4.500.-
Reikningsnúmer Chelsea klúbbsins er 0133-15-200166, kennitala 690802-3840. Vinsamlegast setjið árgjald í skýringu / tilvísun greiðslu og kennitölu ykkar sem greiðanda.
Nánari upplýsingar um innihald hvers flokks fyrir sig er svo að finna á heimasíðu Chelsea klúbbsins, www.chelsea.is, smellið þar á Chelsea klúbburinn og svo á Árgjöld/Skráning.
Og nú er um að gera að drífa í að endurnýja og tryggja sér bónuspunktana hjá Chelsea Football Club í leiðinni!
Bestu kveðjur,
Stjórnin.
P.S. Takmarkað magn af True Blue Orginal (TBO) er í boði, viðbúið að sá flokkur seljist upp er líðar á sumarið!