banner forsida600x150

Liverpool v Chelsea - Ný dagseting

Leikur Liverpool v Chelsea hefur nú verið settur á þann 11. maí n.k. á Anfield. Hann er samt með fyrirvara um gengi MAN UTD (!) í Evrópudeildinni,Upphaflega átti hann að fara fram um síðustu helgi (12. mars) en var þá frestað vegna leiks Everton v Chelsea í FA Cup.

Forkaupsréttur okkar á miðum á leik Liverpool v Chelsea verður opnaður að nýju og um leið og nánari fréttir um tímamörk forkaupsréttar og mögulegan fjölda Loyalty Points sem væntanlegir umsækjendur þurfa að ráða yfir berast úr höfuðstöðvunum verða þær birtar hér á Chelsea.is sem og í tölvupósti til félagsmanna.

Nánari upplýsingar í síma 864 6205.

Chelsea gegn Manchester City í Úrvalsdeildinni

Nú hefur verið staðfest að leikur Chelsea gegn Manchester City í Úrvalsdeildinni mun fara fram á Stamford Bridge laugardaginn 16. apríl n.k. og hefst hann kl. 16:30 að íslenskum tíma. Forkaupsréttur okkar á miðum á þennan leik er ákaflega skammur eða til kl. 22:00 annað kvöld, miðvikudaginn 16. mars 2016.

Leikurinn er í svokölluðum AA flokki sem þýðir að félagsmenn þurfa að ráða yfir 15 „Loyalty Points“ til að eiga rétt á miðum í forkaupsrétti. Hins vegar eru enn í boði hótelpakkar á þennan leik og þar skipta „Loyalty Points“ ekki máli!

Nánari upplýsingar má fá í síma 864 6205.

Tilfærslur og útsendingar

Nú hefur verið tekin ákvörðun um nokkra af leikjum Chelsea á næstunni með tilliti til útsendinga í sjónvarpi, sumir þeirra eru þó með fyrirvara vegna þátttöku í ensku bikarkeppni sem og í Meistaradeild Evrópu!

Leikur Aston Villa v Chelsea í Úrvalsdeildinni fer fram á Villa Park í Birmingham laugardaginn 2. apríl n.k. og hefst hann kl. 12:45, sýndur beint á BT Sports.

Leikur Chelsea v Manchester City fer fram á Stamford Bridge laugardaginn 16. apríl n.k. og hefst kl. 17:30, sýndur beint á SKY SPORTS.

Leikur Chelsea v Tottenham Hotspur sem fyrirhugaður var á Stamford Bridge laugardaginn 30. apríl hefur verið færður til mánudagskvöldsins 2. maí kl. 19:00 og verður hann í beinni útsendingu á SKY SPORTS.

Leikmaður ársins ... og ekki

Undanfarið hefur staðið yfir kosning á leikmanni ársins hjá Chelsea FC á meðal félagsmanna um heim allan. Á því erum við á Íslandi engin undantekning og var þátttaka með hreinum ágætum. Alls skiluðu sér 66 atkvæðaseðlar fyrir auglýstan frest til atkvæðagreiðslu. Talning fór fram á föstudag eftir að fresturinn var liðinn. 

Nú þegar hefur Chelsea FC verið tilkynnt um niðurstöðu atkvæðagreiðslunnar hér á landi. Þá er nú orðið ljóst að verðlaunaafhending fyrir leikmann ársins hjá Chelsea mun fara fram á síðasta heimaleik okkar gegn Leicester þann 15. maí (Hvítasunnudag). Það verða tveir fulltrúar stuðningsmannaklúbba Chelsea sem veita verðlaunin.  Tilkynnt verður um hverjir þeir heppnu verða á þakkarkvöldverði Chelsea FC, sem haldinn verður þann 19. mars, að loknum leik Chelsea og West Ham og fundi meðal fulltrúa Chelsea FC og stuðningsklúbba félagsins

Atkvæðin skiptust í upphafi nokkuð jafnt á þrjá leikmenn, þá Willian, Diego Costa og John Terry. Fljótlega skildi þó verulega á milli – á endanum var um að ræða öruggan kosningasigur - með fáheyrðum yfirburðum. Það má þó segja að samkeppnin í ár hafi ekki verið eins hörð og stuðningsmenn vonuðust eftir. Þrátt fyrir það er Willian vel að sigrinum kominn. Niðurstöðu atkvæðagreiðslunnar má sjá á meðfylgjandi mynd.



Þá er þetta tilefni notað til þess að kynna í örfáum orðum niðurstöðu könnunar sem var gerð hér á Chelsea.is. Hún fólst í því að kjósa ,,ekki” leikmann ársins. Þar má sjá að þrátt fyrir að einn leikmaður fær duglega kosningu í ,,efsta sætið” þá er hún ekki eins afgerandi og sú um leikmann ársins. Það eru einhverjir fleiri sem fá á baukinn frá lesendum Chelsea.is. Niðurstöður þeirrar könnunar má sjá á meðfylgjandi mynd.

Verður einhver þeirra fyrir valinu?

Nú fer hver að verða síðastur til að taka þátt í kjöri á leikmanni ársins hjá Chelsea Football Club en atkvæðaseðlar verða að berast stjórn Chelsea klúbbsins fyrir kl. 12:00 á morgun, föstudaginn 11. mars 2016 á netfang This email address is being protected from spambots. You need JavaScript enabled to view it.

OG líkt og fyrr bíður óvæntur glaðningur eins þátttakenda í kjörinu, verður það þú?

Chelsea klúbburinn 19 ára

Í dag, 16. mars 2016, eru liðin 19 ár frá stofnun Chelsea klúbbsins á Íslandi.

Líkt og í fyrra gerir Skeljungur hf / Orkan sérstaklega vel við handhafa Chelsea Orkulykla í tilefni þessa tímamóta en handhafar Chelsea orkulykils fá 14.- krónur í afslátt af hverjum lítra eldsneytis í dag ef greitt er fyrir með Chelsea lyklinum.

Þá renna 5.- krónur af hverjum seldum lítra í dag til Chelsea klúbbsins.

Fyrir ykkur sem ráða ekki yfir Chelsea Orkulykli en hafið hug á að verða ykkur út um einn slíkan þá er um að gera að drífa í að sækja um þennan ágæta grip sem fyrst svo ykkur og klúbbnum nýtist hin og þessi tilboð frá Orkunni, þið smellið einfaldlega á tengilinn í fréttatilkynningunni (www.orkan.is/chelsea) og framhaldið er barnaleikur einn!

Þið (og klúbburinn) getið eingöngu haft hag af þessu, enginn kostnaður, bara ódýrara eldsneyti sem og afsláttur á ýmsum varningi tengdum rekstri bifreiða ykkar.

Um að gera að fylla á tankinn í dag og greiða fyrir með Chelsea orkulykli.

SVO er von á skemmtilegum glaðningi frá Skeljungi hf / Orkunni til lykilhafa af og til á samstarfsárinu 

Meistarakveðja,

Stjórnin.

Chelsea Pub Quiz

Chelsea Pub Quiz verður haldið í Ölveri  miðvikudagskvöldið 9. mars 2016 og hefst það stundvíslega kl. 18:00. 

Ölversbændur bjóða væntanlegum þátttakendum upp á sérstakt tilboð á mat og drykk í tilefni dagsins! Öllum heimil þátttaka en miðað er við að hvert lið skipi einn eða tveir þátttakendur.

Verðlaun verða veitt fyrir þrjú efstu sætin, einnig verðlaun samkvæmt slembiúrtaki, burtséð frá árangri, og auðvitað skammar........ 

Að loknu Quizinu fylgjumst við svo með leik Chelsea og Paris Saint-Germain á Stamford Bridge í 16 liða úrslitum Meistaradeildarinnar en leikurinn hefst kl. 19:45 og verður að sjálfsögðu í beinni útsendingu í stóra salnum í Ölveri.
OG það verður “Happy Hour” í Ölveri fram yfir leik

Væntanlegir þátttakendur eru beðnir um að hafa með sér skriffæri!

Nánar er nær dregur!

Með Quiz kveðju,

Skemmtinefnd Chelsea klúbbsins á Ísland ásamt IBIS bræðrum.