banner forsida600x150

Endurnýjun á aðild (2)

Nú er endurnýjun á aðild í Chelsea klúbbnum í fullum gangi og vert að hafa í huga að þeir sem endurnýja og greiða valið árgjald fyrir 1. ágúst n.k. fá sjálfkrafa 5 tryggðarpunkta hjá Chelsea Football Club en það er sá punktafjöldi er félagsmenn þurfa að ráða yfir ætli þeir að eiga möguleika á miðum á leiki Chelsea gegn Liverpool, Manchester United, Tottenham Hotspur (allir leiknir á Stamford Bridge) og gegn Watford, Arsenal, Manchester City og Crystal Palace (allt útileikir) en þessir leikir fara allir fram á þessu ári.

Frá og með 1. janúar til loka keppnistímabilsins þurfa félagsmenn hins vegar að ráð yfir 10 tryggðarpunktum til að eiga möguleika á miðum á leiki Chelsea gegn Arsenal  og Manchester City (báðir leiknir á Stamford Bridge) og gegn Tottenham Hotspur, Liverpool, West Ham United og Manchester United (allt útileikir).

Þá má einnig gera ráð fyrir að síðasti heimaleikur (gegn Sunderland) falli undir þessa reglu.

Við fáum enga miða á leik Bournemouth v Chelsea í forkaupsrétti þar sem svo fáir miðar standa Chelsea til boða á þann leik! 

Ef þú átt eftir að endurnýja er bara að kíkja inn á heimasíðu klúbbsins, www.chelsea.is, og smella á Chelsea klúbburinn og svo Árgjald/Skráning og eftirleikurinn er barnaleikur einn!

Sértu í vafa um hvort þú ert búinn að endurnýja þá er bara að slá á þráðinn, s: 864 6205, og fá upplýsingar þar um.

EM-leikur Chelsea klúbbsins

Evrópukeppni landsliða í knattspyrnu hefst í Frakklandi 10. júní n.k. og eins og fram kom á félagsfundi Chelsea klúbbsins fyrir skömmu síðan ætlum við að skella okkur í EM leik í samvinnu við Íslenskar getraunir.

Fyrirkomulagið er einfalt, þátttakendur leggja framlag sitt inn á reikning hjá Chelsea klúbbnum og stjórn klúbbsins fær svo getspaka Tipplinga úr Tippleik Chelsea.is til liðs við okkur og munu þeir taka að sér að geta til um úrslit leikja á EM seðlum Íslenskra getrauna fyrir okkar hönd.

Lágmarksframlag hvers þátttakanda er kr. 1.000.- en ekkert hámark, vinningar greiðast svo í hlutfalli við framlag hvers og eins!

Það fer svo eftir því hve mikið safnast í pottinn fyrir fyrsta leik hversu margar raðir við tippum á hverju sinni í hverri umferð, opinn seðill, sparnaðarkerfi eða útgangskerfi, allir möguleikar opnir!

Það verða spilaðar þrjár umferðir hvar eingöngu verða leikir í EM á seðlunum, verða vinningar greiddir út að þeim loknum.

Þátttökugjald greiðist fyrir föstudaginn 10. júní 2016.

Reikningsnúmer klúbbsins er 0701-26-3840, kt. 690802-3840, athugið að setja EM í tilvísun/skýring greiðslu og kennitölu ykkar sem greiðandi.
Athugið að þátttakendur þurfa að hafa náð 18 ára aldri.

Með EM kveðju,
Stjórn Chelsea klúbbsins.

P.S. Hópurinn okkar, sem nefnist einfaldlega Chelsea, er með hópnúmer 121 – 248 og líkt og áður styrkjum við ÍFR, þ.e. Íþróttafélag fatlaðra í Reykjavík.

Almennur félagsfundur 28. maí

Almennur félagsfundur í Chelsea klúbbnum á Íslandi var haldinn laugardaginn 28. maí n.k. í Ölveri og hófst fundurinn kl. 17:00.

Dagskrá fundarins var á þessa leið:

  • EM leikur Chelsea klúbbsins og Íslenskra getrauna.
  • Tippleikur Chelsea.is, úrslit kunngjörð og afhending vinninga.
  • Supporters Clubs Policy, kynning á breytingum frá fyrra ári.
  • Dregið í happdrætti vegna kjörs á leikmanni ársins.
  • Árgjöld og flokkar, breytingar kynntar.
  • Dregið í vorhappdrætti Chelsea klúbbsins á Íslandi.

Fundurinn gekk vel fyrir sig og heppnir vinningshafa sem ekki voru á staðnum fá skilaboð þess efnis á næstu dögum.

 

Með Chelsea kveðju, Stjórnin.

Endurnýjun í klúbbinn

Nú hefur ykkur væntanlega borist tölvupóstur frá Chelsea Football Club sem hvetur ykkur til að endurnýja aðild ykkar að Chelsea klúbbnum á Íslandi hið fyrsta og það á Netinu.

Við biðjum ykkur um að gera slíkt EKKI en endurnýja þess í stað með því að greiða valið árgjald inn á reikning Chelsea klúbbsins á Íslandi og mun stjórn félagsins svo sjá um framhaldið, þ.e. að greiða árgjaldið til Chelsea sem og að senda til höfuðstöðvanna í London nauðsynlegar upplýsingar vegna endurnýjunar. 

Hægt er að endurnýja á vef okka:

http://chelsea.is/index.php/chelsea-klubburinn/argjald

Chelsea Football Club hefur ákveðið að fella út flokkinn True Blue Babies ( 0-1 árs félagar) en færa þennan aldursflokk þess í stað undir flokkinn True Blue Juniors ( 0 – 12 ára).

Árgjöld í eldri flokkunum óbreytt frá því sem verið hefur en við lækkum árgjaldið í flokkum barna og unglinga um ISK 500.-

Eru flokkarnir því sem hér segir:

  • True Blue Original = ISK 15.000.-
  • True Blue Magazine = ISK 13.000.-
  • True Blue Ticket Only = ISK 6.000.-
  • True Blue Teenagers = ISK 5.000.-
  • True Blue Juniors = ISK 5.000.-

Upplýsingar um innihald hvers flokks fyrir sig verða svo að finna á Chelsea.is innan skamms en það verður svipað og verið hefur undanfarin tímabil. 

Vinsamlegast greiðið valið árgjald inn á reikning 0701-26-3840, kennitala 690802-3840.

Nauðsynlegt er að nafn viðkomandi félagsmanns sem verið er að greiða fyrir komi fram í skýringu greiðslu, setjið einnig ÁRGJALD í tilvísun.

Nánari upplýsingar í síma 864 6205.

Með Chelsea kveðju,

Stjórnin.

Vorhappdrætti, síðasti séns!

Í dag er síðasti séns til að taka þátt í vorhappdrætti Chelsea klúbbsins en lokað verður sölu miða á miðnætti í kvöld, föstudaginn 27. maí 2016.

Sama gamla góða fyrirkomulagið, fyrir hvern fimm hundruð kall sem þú leggur inn á reikning Chelsea klúbbsins færðu nafn þitt skráð einu sinni í happdrættispottinn góða en að sjálfsögðu er þér heimilt að reiða eins marga fimm hundruð kalla af hendi og þér lystir, t.d. færðu nafnið þitt skráð einu sinni ef þú greiðir kr. 500.-, fimm sinnum ef þú greiðir kr. 2500.-, tíu sinnum ef þú greiðir kr. 5.000.- o.s.frv.

Reikningsnúmer klúbbsins er 0701-26-3840, kt. 690802-3840, vinsamlegast tilgreinið HAPPDRÆTTI í tilvísun og kennitölu ykkar í GREIÐANDI.           

Veglegir vinningar að vanda, m.a. dekkjagangur undir bílinn í boði Dekkjahallarinnar að andvirði kr. 70.000.-, Chelsea fótbolti, áritaður af leikmönnum Chelsea,  umfelgunarpakkar í boði Dekkjahallarinnar, margvísleg gjafabréf frá ýmsum samstarfs- & styrkaraðilum Chelsea klúbbsins o.fl. o.fl.

Dregið verður í happdrættinu á félagsfundi sem verður haldinn í Ölveri á morgun, laugardaginn 28. maí 201

Ekki flókið, allir að taka þátt, margt smátt gerir eitt stórt!

Nánari upplýsingar í síma 864 6205

Með Chelsea kveðju,

Stjórnin.

Leikmaður ársins 2015-16

Nú liggur það fyrir hver hefur hreppt í titilinn Leikmaður ársins á meðal stuðningsmannaklúbba Chelsea FC um allan heim. Það er enginn annar er sjálfur Willian sem varð fyrir valinu og er hann vel að því kominn.

Stjórnin sem heldur utan um alla erlendu klúbbana vill koma á framfæri þökkum öllum þeim til handa sem tóku þátt í vali á Leikmanni ársins.