banner forsida600x150

Endurnýjanir

ATH. Chelsea Football Club lokar fyrir endurnýjanir þann 21. desember 2018 vegna yfirstandandi keppnistímabils!

Endurnýjanir vegna keppnistímabilsins 2018 – 2019 eru nú í fullum gangi, ef þú ert í einhverjum vafa um hvort þú ert búinn að endurnýja þá er bara að kíkja á félagatalið á www.chelsea.is og ef nafnið þitt er ekki að finna þar átt þú einfaldlega eftir að endurnýja.

Árgjöld eru óbreytt frá því sem verið hefur en allar upplýsingar um þau sem og reikningsnúmer og kennitölu Chelsea klúbbsins eru að finna á www.chelsea.is

P.S. Teljir þú þig vera búinn að endurnýja en nafnið þitt vanti í fálagatalið þá endilega sendu okkur línu á This email address is being protected from spambots. You need JavaScript enabled to view it.

Liverpool - Chelsea í Carabao Cup

Liverpool og Chelsea eigast við í þriðju umferð Carabao Cup (Deildabikarinn) á Anfield Road miðvikudagskvöldið 26. september n.k. Forkaupsréttur okkar á miðum á þennan leik er mjög skammur eða til kl. 15:00 á morgun, föstudag 14. september 2018. 

Chelsea Football Club hefur ákveðið að fella þennan leik undir Loyalty punkta regluna og þarf hver sá er óskar eftir miða á þennan leik í forkaupsrétti okkar að ráða yfir 5 Loyalty punktum.

Miðar eru nánast á hálfvirði á þennan leik, tekið er við miðapöntunum á netfangi This email address is being protected from spambots. You need JavaScript enabled to view it.

Nánari upplýsingar má fá í síma 864 6205.

Hazard og Batshuayi færðar gjafir

Belgíska landsliðið í knattspyrnu lenti á Fróni í gær og kemur til með að eiga við það íslenska í mikilvægum leik í kvöld. Af því tilefni voru fulltrúar íslenska Chelsea klúbbsins mættir til þess að taka á móti þeim Belgum sem eiga þátt í sögu Chelsea Football Club. 

Voru þeim Eden Hazard og Michy Batshuayi færðar gjafir sem félagsmenn okkar kannast vel við og hafa jafnan haft góð áhrif á úrslit landsleikja í gegnum tíðina.

Þá ætluðu fulltrúar okkar að veita þeim Courtois, Lukaku og Hazard yngri sama þakklætisvott fyrir þeirra framlag til okkar ástkæra félags.

Af einhverjum ástæðum fórst það fyrir, annars vegar vegna titils bókarinnar og má segja að "karma" hafi leikið einhverja rullu í því að einhver ónefndur fékk ekki gjöfina afhenta.

Hins vegar virtust sumir í mikilli tímaþröng og því fór sem fór.

Eden Hazard hafði hins vegar húmor fyrir titlinum og bað fyrir góðar kveðjur til stuðningsmanna Chelsea á Íslandi.

batsuay-karl-h-hillers wide

Þess má til gamans geta og rifja upp að þessi siður að færa leikmönnum Chelsea FC og knattspyrnustjórum, bæði fyrrverandi sem og núverandi, er hingað koma með landsliðum sínum sambærilega gjöf reynst ágætis innlegg í leikina. Má þar nefna heimsóknir á borð við þegar:

  1. Petr Cech kom með landsliði sínu - http://chelsea.is/frettaefni/268-heilsadh-upp-a-petr-cech
  2. Hollendingar komu hingað til lands - http://chelsea.is/frettaefni/234-heilsadh-upp-a-hollendinga
  3. og þegar Andreas Christensen kom í heimsókn með því danska - http://chelsea.is/frettaefni/235-andreas-christensen

Svo er bara spurning hvað verða vill á móti Belgum í kvöld,  11. sepember 2018, á Laugardalsvellinum.

 

 

Fréttamolar: Deildarbikar, Evrópudeild o.fl.

Nokkrir fréttamolar úr herbúðum Chelsea og Chelsea klúbbsins:

Deildarbikar (Carabao Cup)

Chelsea mun mæta lærisveinum Frank Lampards í Derby County í fjórðu umferð deildabikarsins og fer leikur liðanna fram á Stamford Bridge miðvikudagskvöldið 30. október n.k. Forkaupsréttur okkar á miðum á þennan leik er mjög skammur, nánar tiltekið til og með fimmtudagsins 4. október 2018.

Evrópudeild (Europa League)

Dregið hefur verið í riðla í Evrópudeildinni og verða andstæðingar okkar manna lið PAOK Thessaloniki (Grikkland), BATE Borisov (Hvíta-Rússland) og MOL Vidi FC (Ungverjaland). Riðlakeppnin hefst fimmtudagskvöldið 20. september og lýkur svo fimmtudagskvöldið 13. desember, niðurröðun leikja liggur nú fyrir og má sjá hana undir liðnum Chelsea FC (Allir leikir og úrslit) hér á heimasíðunni.

Aðalfundur

Aðalfundur Chelsea klúbbsins verður væntanlega haldinn á Grand Hótel Reykjavík sunnudaginn 4. nóvember n.k. en þann dag mun Chelsea fá Crystal Palace í heimsókn á Stamford Bridge, hefst leikur liðanna kl. 16:00 og verður í beinni útsendingu á Grand Hótel að loknum aðalfundi. Aldrei að vita nema að bryddað verði upp á nýungum í tengslum við fundinn (sunnudagsfundur í sjálfu sér nýung), nánari fréttir um aðalfund er nær dregur.

Chelsea fatnaður

Því miður er nú ljóst að “íslenski” Chelsea fatnaðurinn sem sum ykkar hafa pantað og greitt fyrir verður ekki tilbúinn til afhendingar fyrr en í októbermánuði, hvenær nákvæmlega er ekki vitað að svo stöddu. Vonandi fer að líða að því að varningurinn verði tilbúinn til afhendingar, það hefur dregist fram úr hófi svo ekki sé meira sagt.

Nýtt hjá Íslenskri Getspá

Ágætu Tipplingar.

Íslensk Getspá býður nú upp á svokallaða „Outright markaði“ á Lengjunni. Þar er m.a. hægt að tippa á hver stendur uppi sem sigurvegari í ensku úrvalsdeildinni og hver verður markakóngur deildarinnar. Hægt er að nálgast allar upplýsingar undir liðnum ,,Sigurinn“ á heimasíðu Getrauna, smellið á 1X2 lógóið á www.chelsea.is (er á rúllandi auglýsingarborða á síðunni), síðan á Getraunaleikir – Lengjan – Spila -Sigurinn og þið eruð komnir í rétta umhverfið.

Það má geta þess sem dæmi að eins og stendur er stuðullinn á okkar menn 8.75 og sá líklegasti okkar manna til að verða markakóngur er Hazard með stuðulinn 34.

Endilega kynnið ykkur málið.


Góða skemmtun.

Umsjónarmenn.

Tippleikurinn

Tippleikur Chelsea.is er nú kominn á stjá að nýju, fyrsta tippið brestur á á laugardaginn er Chelsea heimsækir Huddersfield Town í Úrvalsdeildinni.

Reykjavíkurmaraþonið - Minningar- og styrktarsjóður hlýtur áheit

bjorn
Einn af okkar félögum, Björn Ágúst Júlíusson, ætlar að skella sér í 10 kílómetra hlaup í Reykjavíkurmaraþoninu og safnar hann áheitum sem munu renna í Minningar- og styrktarsjóð Chelsea klúbbsins á Íslandi.

Um leið og við þökkum Birni kærlega fyrir hugulsemina skorum við á ykkur að heita á Björn og styrkja í leiðinni Minningar- & Styrktarsjóðinn.

Hér er svo síðan til að styrkja átakið

https://www.hlaupastyrkur.is/einstaklingar/keppandi?cid=62475